-
Funsg de ciment.
Sont dispiasuu.
Compagn di funsg dopo on temporal
a vegnen sù, ma hinn minga farè,
cioditt o pitt del lôf, no!
hinn i “mostri” de ciment,
quej che fann vegnì la pell
d’oca a la nosta gent.
Un noeuv quartier cont I cà
tutt taccaa, e I personn tutt schisciaa,
che peccaa!
Un ex-parc che l’ha perduu pussee robb
di quej ch’ha guadagnaa!
E poeu in doè l’è finii el sò grad praa?
Tant nissun el ved, l’è anmò rezintaa!
E anmò, gh’è on olter parc,
che l’è da agn sul “chi va là”,
l’è el noster car Parc di Groan.
Gh’è anmò chi el pensa
che sfregiall con ona
lengua de asfalt l’è ona
possibilità, menomal
che gh’è la Lega e el comitaa!
E anmò, la quistion del Fabricun ,
on occasion perduda
che l’è incomenzada mal,
cont el noster car “moron” traa
in tera, e la finirà anmò pesg:
sarà tutt privaa!
Ma eccola, perduu on
Fabricun emm guadagnaa
el “gabbiott”, infilà a forza
in mezz in del parc Rezzonich,
per soddisfà i vezzi de pocch
senza domandagh
a nissun nagott.
Insoma, i robb che servissen se fan nò,
E, inveci, I robb che nissun voeur,
voilà, hinn gianmò fà!
|
